IniciosociedadeA CIG denuncia que o Pesca 2, con base en Viveiro, leva...

A CIG denuncia que o Pesca 2, con base en Viveiro, leva unha semana fóra de servizo

A central xulga "un enorme poblema de seguridade" a inoperatividade por avaría do helicóptero, que fai tarefas de servizo de gardacostas, inspección pesqueira e busca e salvamento

Publicada o

- Advertisement -

CIG denunciou este xoves que o helicóptero do servizo de Gardacostas de Galicia Pesca 2, con base en Viveiro e dependente da Xunta de Galicia, atópase fóra de servizo por avaría desde o pasado día 24 de outubro.

Para a Federación Galega de Alimentación, Mar, Transporte e Telecomunicacións (FGAMT) do sindicato nacionalista resulta “gravísimo” que o helicóptero que ten como misión o servizo de gardacostas, inspección pesqueira e busca e salvamento na costa da Mariña lucense e parte da Coruña se atope inoperativo, “pois isto supón un enorme problema de seguridade no mar”.

No caso de ocorrer unha emerxencia que precisase da súa intervención, esta zona, así como gran parte do interior de Galicia, “estarían sen recursos para lles facer fronte”, advirte Francisco Cartelle, da central.

ATRIBÚE A SITUACIÓN Á “PRIVATIZACIÓN” DO SERVIZO

A FGAMT-CIG pregúntase “se non contar con este recurso é o que o Goberno da Xunta de Galicia entende por garantir a seguridade dos mariñeiros e das mariñeiras” ou se “este é o xeito de garantir a seguridade da nosa frota. Unha vez máis, fica demostrada a enorme precarización que se produce ao privatizar servizos, neste caso dos máis básicos como son os que teñen por obxectivo manter a seguridade das persoas”, subliña.

O sindicato lembra que os helicópteros Pesca 1 (con base en Vigo) e Pesca 2 (con base en Viveiro) “foron vendidos pola Xunta á empresa concesionaria do servizo (Babcock MCS España), supostamente por quedárense xa obsoletos. Curiosamente estes aparellos son os que agora seguen a prestar o servizo e por estes dispositivos a Xunta paga un arrendamento á empresa adxudicataria”, explica.

DOTACIÓN DE 40 PERSOAS

A dotación de persoal do servizo de helicóptero está composto, entre pilotos, mecánicos e rescatadores, por unhas 40 persoas. No 2017, o persoal levou o premio a nivel mundial Polaris polas súas intervencións.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...